Shreya Ghoshal Love story : श्रेया घोषाल ही बॉलिवूडची प्रसिद्ध पार्श्वगायिका आहे, जिने फार कमी कालावधीत संगीत क्षेत्रात वेगळी ओळख निर्माण केली आहे.
बॉलीवूडमध्येच नव्हे तर प्रादेशिक चित्रपटांमध्येही तिने अनेक गाणी गायली आहेत. यासोबतच श्रेयाने अनेक टीव्ही मालिकांसाठीही तिचा आवाज दिला आहे.
हिंदी, भोजपुरी, बंगाली, कन्नड, मल्याळम, पंजाबी, तमिळ, तेलगू आणि आसामी यासह इतर अनेक भाषांमध्ये तिने गाणी गायली आहेत.
श्रेया घोषालचा जीवनप्रवास
श्रेयाचा जन्म 12 मार्च 1984 रोजी बेरहामपूर येथे एका बंगाली कुटुंबात झाला होता, परंतु ती राजस्थानमधील कोटाजवळील रावतभाटा या छोट्याशा गावात वाढली.
मीडिया रिपोर्ट्सनुसार, श्रेया फक्त 4 वर्षांची होती जेव्हा तिने हार्मोनियम वाजवायला सुरुवात केली होती.
नंतर तिने कोटा येथील महेशचंद्र शर्मा यांच्याकडून शास्त्रीय संगीताचे धडे घेतले.
हेही वाचा : Pradhan Mantri Swasthya Suraksha Nidhi : भारत सरकारची 5 लाखांची आरोग्य योजना.
श्रेयाचा प्रवास टीव्ही सिंगिंग रिअॅलिटी शो ‘सारेगामापा’ च्या मुलांच्या विशेष स्पर्धेपासून सुरू झाला.
यानंतर ज्येष्ठ चित्रपट दिग्दर्शक संजय लीला भन्साळी यांच्या ‘देवदास’ चित्रपटात तिचा आवाज ऐकू आला आणि लोकांच्या पसंतीस उतरला.
तिने ‘देवदास’ चित्रपटाद्वारे बॉलिवूडमध्ये पदार्पण केले आणि ती प्रसिद्ध पार्श्वगायिका म्हणून उदयास आली.
Shreya Ghoshal Love story : श्रेया घोशालची लव्ह स्टोरी
दुसरीकडे, श्रेयाच्या लव्ह लाईफबद्दल बोलायचे झाले तर तिची लव्हस्टोरी खूपच रंजक आहे.
मीडिया रिपोर्ट्सनुसार, तिने 2015 मध्ये तिचा बालपणीचा मित्र शिलादित्य मुखोपाध्यायशी लग्न केले, जो व्यवसायाने इंजिनियर आहे.
दोघांनाही एक मुलगा आहे, ज्याचा जन्म 2021 मध्ये झाला. एका बातमीनुसार, श्रेया आणि शिलादित्य लहानपणापासून एका शाळेत शिकायचे.
श्रेया आणि शिलादित्य लग्नापूर्वी जवळपास 10 वर्षे एकमेकांना डेट करत होते.
त्याचवेळी शिलादित्यने श्रेयाला पहिल्यांदा प्रपोज केले होते आणि त्याची प्रपोज करण्याची पद्धत अगदी अनोखी होती असे म्हटले जाते.
श्रेयाने तिच्या एका मुलाखतीत सांगितले होते की ती आणि शिलादित्य एका मित्राच्या लग्नाला गेले होते.
या लग्न समारंभात शिलादित्यने श्रेयाला अंगठीचा डबा बाहेर काढायला सांगितला होता आणि त्याचवेळी त्याने सिंगरला दुसरीकडे बघायला सांगितले होते आणि मग श्रेया वेड्यासारखी दुसरीकडे पाहत बसली.
तेवढ्यात शिलादित्यने अंगठी काढली आणि समोर ठेवली. श्रेयासाठी हा खूप मजेदार क्षण होता. शिलादित्यला प्रपोज करण्याची पद्धत तिला चांगलीच आवडली होती.
